Fiskiþing er opið málþing um málefni er varða sjávarútveginn miklu. Þema þingsins er "Sjávarútvegur og menntun". Markmið með því umfjöllunarefni er í fyrsta lagi að fjalla um hvaða þarfir fyrir menntun eru fyrir hendi í greininni. Í öðru lagi viljum við varpa ljósi á það sem boðið er upp á varðandi menntun fyrir sjávarútveginn innan og utan skólakerfisins. Í síðasta lagi viljum við fá álit þeirra, sem starfa innan greinarinnar, á því hvernig til tekst að mæta þeim þörfum, sem eru fyrir hendi. Þá höfum við freistast til þess að fjalla um nýlega könnun, sem Samtök atvinnulífsins stóðu fyrir, sem leiddi í ljós að ungmennin okkar, sem taka munu við af okkur, hafa - svo vægt sé að orði komist – afar lítinn áhuga á að starfa í greininni. Það hlýtur að valda áhyggjum og kalla á viðbrögð greinarinnar.

Til þess að ræða þessi mál höfum við fengið valinkunna einstaklinga, sem þekkja vel til hver á sínu sviði.

66. Fiskiþing er öllum opið og áhugafólk hvatt til þess að mæta.

Dagskrá 66. Fiskiþings er eftirfarandi:

66. FISKIÞING

Grand Hótel Reykjavík föstudaginn 27. apríl 2007, kl. 13:00 til 17

Sjávarútvegur og menntun

Ávarp formanns Pétur Bjarnason
Ávarp ráðherra Einar Kr. Guðfinnsson
Þarfir greinarinnar

Hvað ætla ég að verða þegar ég verð stór? Guðrún Eyjólfsdóttir
Menntunarþarfir greinarinnar Svavar Svavarsson

Framboð menntunar

Aðkoma sjávarútvegsráðuneytis Hulda Lilliendahl
Starfið í grunnskólunum Jóna Möller
Fjöltækniskólinn og hugmyndir um framhaldsnám Jón B. Stefánsson
Sjávarútvegsnám við Háskólann á Akureyri Eyjólfur Guðmundsson
Sjávarútvegur og Háskóli Íslands Guðjón Þorkelsson
Önnur menntun/fræðsla/þjálfun Helgi Kristjánsson

Hvernig er þörfunum fullnægt?

Pallborð með þátttöku starfandi aðila í greininni
Þingslit Pétur Bjarnason